Array
(
[text] =>
I was raised in a good family. Good in the sense na, alam ng tatay at nanay ko ang responsibilidad nila bilang magulang. Kahit hindi kami mayaman nung bata kami, ginagawan nila para masustain yung pag-aaral namin especially yung mga requirements sa school. By the way, ako pala ang bunso. 4 kaming magkakapatid. 3 babae, at ako yung bunso and lalaki. Since ang father ko ay nasa army before, pinalaki kami na strikto, to which thankful naman ako dahil lumaki naman kami ng maayos. Pero, katulad ng mga kuwento na kung saan ang tatay ay myembro ng hukbong katihan ng bansa, totoo na mahigpit ang pagpapalaki samin, to the point na dinidiktahan na kami sa mga gusto naming mangyari.
Anyway, enough of the family background. May idea na siguro kayo kung pano set up namin. So yun na nga. Gusto ng tatay ko na business-related courses namin, and yung ate kong panganay, aminadong mahina sa numbers, kumuha ng Accounting Management, pero in the end, nagrebelde dahil sa dikta ng tatay ko. Awa ng Diyos, kaming 3 magkakapatid, puro business related ang courses kahit di namin gusto, pero nairaos naman ang college. So back to the story. Nag-aaral ako ng Accountancy sa Manila nun, and I decided na mag-working student for experience. Kahit ayaw ng tatay ko, wala sya nagawa kasi sinabi ko na nakapirma na ko ng kontrata and need i-honor, else, pede ako mademanda ng breach of contract. So yun, while working, I am studying. Sa call center ako nagtrabaho, and first time ko naging malaya na hindi na minomonitor schedules ko and pede na ko umuwi ng dis oras ng gabi kasi usually disoras ang out ko. Pero, I still keep the values I learned when I was young.
Dahil first time ko maexperience yung “freedom”, and uso ang mga clan nun via text, naengganyo ako sumali sa isang bi na clan. Then one time, nagkaron ng EB, sumama ako kasi mukhang matitino naman kaclan ko. And syempre, may inuman, so nag go pa rin ako kahit hindi ako nainom dahil nga strikto tatay ko, I never learned how to love alcoholic drinks. Nagising nalang ako kinabukasan na nasa pad ng isang kaclan, and I concluded na may nangyari. First time ko yun. So di ko alam gagawin, umalis ako agad, never talked to him, and quit the clan. I tried to forget yung nangyari na yun, and sinumpa ko na hindi na ko makikipag inuman sa unang meetup pa lang, dahil alam kong mababa alcohol tolerance ko.
Fast forward after 8 months ata, I entered in my first real relationship with a guy. Real, kasi eto talaga yung nakikipagkita ako. Before kasi, may mga naging karelasyon ako pero over text lang. Tumagal kami ng guy for almost 4 years. We broke up lang nun pumunta sya sa Middle East to work, and ayoko ng LDR, plus on the rocks na din relationship namin kasi naiinsecure na ko, kasi nagstart lumabas mga unnecessary marks ko. Note, less than 5 times lang kami nag-do ng ex ko. Nung mga bago pa lang kami, and after a year, purely for companionship nalang relationship namin. Then October last year, after nya pumunta Dubai, naexperience ko shortness of breathing, night sweats and weight loss. So I googled yung symptoms, and found out na pedeng HIV sya. Pero in denial ako kasi nga, sya lang ang sexual partner ko eversince aside dun sa kaclan mate ko. Nagpatest ako sa St. Lukes, pero palaging pulmonary something ang diagnosis, tipong always ruled out si HIV. So, one time, napunta ako sa ER. This time, nagpadala ako sa Makati Med. Yung ER nurse na nagcheck sakin adviced I should undergo HIV testing. Kahit alam ko sa sarili ko na negative ako, I decided to give a go para matapos na. Then naconfine ako for 2 days. Nung lumabas yung result, dun ko nalaman na posi ako. I actually don’t remember what I exactly felt, pero kalmado lang ako. Umiyak lang ako ng sinabi ko sa mama ko kasi nagtataka sya bat pinapalabas sya everytime na dumadating yung doctor to check on me. So I have no choice but to say it. Umiyak din mama ko, pero after nun, di na ko umiyak. Kasi alam ko na may purpose bakit sakin binigay to. Hindi naman ako sexually active, and ang alam kong nakainfect sakin e yung kaclan ko 5 years ago. Hindi pedeng si ex kasi may HIV testing bago magwork dun, and until now andun pa sya, so HIV negative sya.
After ko madischarge nung October, undergo series of tests. CD4 count, sputum, xray, etc. Lumabas yung sputum test ko, negative sa TB, pero positive sa other mycobacteria, na nagcause sa patches sa balat ko. Then ang base CD4 ko is 11, so I was advised to be confined again for 2 weeks for antibiotics while starting on ARV medication, para monitored din ni doc. After two weeks, continuous pa din ang medication ko now for the mycobacteria, pero via oral meds nalang. Then last January, may tumubo sa lymph nodes ko. To make the long story short, I was diagnosed with extra PTB, pero cleared padin sa PTB based sa XRay. Until now, under medication pa din ako.
Recently, nagpaCD4 count uli ako, and thankfully, nasa 307 na sya. I also gained weight. Currently, I am preparing to take Law para someday, I can give free legal advice sa mga posi na katulad ko na nadidiscriminate because of being HIV positive.
Sobrang thankful ako kay God kasi parang nasa right timing lahat. Lumabas yung symptoms ng HIV ko, nung nasa magandang company na ko. Nacover yung hospitalization ko, nareimburse lahat ng gamot, and I was able to take a medical leave for 6 months with pay while recuperating sa shortness of breathing ko. Kung nangyari yun sa previous company ko, baka naterminate pako. Siguro, eto yung purpose ko kung bakit ako binigyan ng 2nd life: to become an inspiration to others. Though dummy account lang gamit ko now dahil takot parin ako sa stigma against pozzies, alam ko sa sarili ko na eventually, I’ll help other pozzies na maovercome yung anxiety and other negative emotions.
Thankful din ako na may supportive family ako. Nung nalaman ng father ko, tinanong kung sino yung nakainfect sakin, and hahanapin daw. Pero I didn’t give the details kasi ayoko ng alalahanin and gusto ko nalang ibaon sa past yun. Kung nasan man sya, sana wala na syang ibang ininfect.
Yun lang. Thanks for reading 🙂
*PS. Sensya kung medyo magulo train of thought ko. Hindi talaga ako magaling sa storytelling. Pero sana naintindihan nyo kahit papano
[text_hash] => 81f63b4f
)