Array
(
[text] =>
<Unicode>
တဆိတ်လောက်၊ ငါ့ဇနီးလေးအတွက် လက်ဖက်ရည် သွားယူဖို့လိုတယ်
“အင်း….. ကိုကိုချန်းမင်း” ဇောင်ယုဟွမ် နူးညံ့စွာ ပြောလိုက်သည်။
ဒါက အရင်တုန်းက အချိန်တွေနဲ့ တူသည်။ သူမအသံက နူးညံ့ပြီး သိမ်မွေ့နေသည်။ ထိုအရာကို အရင်တုန်းက အကြိမ်များစွာ ဟုန်ချန်းမင်း ကြားခဲ့ရသည်။
ဒါပေမဲ့ ဒီတစ်ကြိမ်ကတော့ သူကြားခဲ့ရသည့် ပထမဆုံး အကြိမ်နဲ့ တူနေသည်။ သူ့ရင်ဘတ်၊ နားတွေနဲ့ လည်ပင်းတွေမှာ ပူလာတာကို သူခံစားမိသည်။
ဟုန်ချန်းမင်း ကသူ့နှုတ်ခမ်းတွေကို ဟလိုက်ပြီး တခြားအရာကို ပြောချင်ပေမဲ့ သူ့ဘေးက ဖုန်းကနေ အသံကို ကြားလိုက်ရသည်။ ဟုန်ချန်းမင်း ရွေးချယ်စရာ မရှိတော့ပဲ သူပြောချင်နေသည့် စကားတွေကို မြိုချလိုက်သည်။
ဒါပေမဲ့ အစောပိုင်းက ကြားခဲ့ရသည့် ‘ကိုကိုချန်းမင်း’ ဆိုသည့် အသံကတော့ သူ့စိတ်ထဲတွင် စွဲနေပြီး ပြန်ပြန်ကြားနေခဲ့သည်။ ဇောင်ယုဟွမ် ကဖုန်းကို ချလိုက်ပြီး သူမနားကို ထိလိုက်သည်။
ဟုန်ချန်းမင်း ဆီက အသံကနေ သူမကို သူ့ရဲ့ တကယ်ပုံစံကို သတိပေးနေခဲ့သည်။
သူက ဗီလိန်ပဲ။
ဇောင်ယုဟွမ် သက်ပြင်းချလိုက်ပြီး သူမဘာသာ တွေးလိုက်သည်။ ‘သူကလေးတုန်းက ‘ကိုကို’လို့ ခေါ်လိုက်ချိန်မှာ သူ့နားတွေက နီရဲသွားတယ်။ အခုတော့ သူက တက်ကြွစွာနဲ့ တောင်းဆိုခဲ့တယ်’
ကျစ်!
အဲ့လူတွေ!
သူတို့တွေ အရွယ်ရောက်လာတာက ကောင်းကိုမကောင်းဘူ!
*****
လီဂျင်းယွမ် ရဲ့ရှိုးပွဲကလည်း အပိုင်း ၃ ကိုလျင်မြန်စွာနဲ့ ရောက်လာခဲ့သည်။ သူက ရှာဖွေမှုမှတ်တမ်းတွင် ထိပ်ဆုံးကို ထပ်ရောက်ခဲ့ပြီး နိုင်ငံသားအများစုက သူ့ကို ‘နိုင်ငံသားတွေရဲ့ ချစ်စရာ ပါပီမျက်နှာလေး’လို့ ခေါ်ကြလေသည်။
သူ့အသွင်အပြင်နဲ့ ပုံစံကြောင့် သူ့ဆီကနေ ဘယ်သူမှ ချစ်ခြင်းမေတ္တာကို ရမှာမဟုတ်ဟု သူတို့က ယုံကြည်ကြသည်။ လီဂျင်းယွမ် ကအင်တာနက်ပေါ်တွင် အံ့အားသင့်စရာကောင်းလောက်သည့် အရှိန်ဖြင့် လူကြိုက်များလာခဲ့သည်။
သူ့ဖန်တွေကလည်း ရက်သတ္တပတ် အနည်းငယ်အတွင်းမှာပဲ ငါးသန်းအထိ တိုးလာခဲ့သည်။ အပိုင်း ၄ ကိုလွှင့်ချိန်တွင် ရှုရန်ဟွေ့ နဲ့ ရှုယုရှန်း တို့က သူတို့ရဲ့ စမ်းသပ်ချက်တွေ ကျော်ခဲ့ကြသည်။
ရှုရန်ဟွေ့ ကတော့ ထောင်ဒဏ် ၃ နှစ်ကျခံခဲ့သည်။ ရှုယုရှန်း ကတော့ ကိစ္စအားလုံးကို ရှုရန်ဟွေ့ ဆီကို လွှဲချခဲ့သည်။ ဒီအရာက ထင်ရှားသည့် မိသားစုတွင် ဖြစ်ပျက်ခဲ့တာကြောင့် သတင်းတစ်ပုဒ် ဖြစ်လာခဲ့သည်။
မီဒီယာအားလုံးက သတင်းရဖို့အတွက် တိုက်ခိုက်နေကြသည်။ လန်ဂျင်းဇီ တောင်မှ ထိုအရာကို သတင်းစာထဲတွင် ဖတ်ခဲ့ရသည်။
ရှုရန်ဟွေ့ နဲ့သူမသမီး တို့ရဲ့ပြစ်မှုတွေ အကြောင်းကို ရှာဖွေဖို့က လူတိုင်းအတွက်တော့ ကြီးမားသည့် အရာမဟုတ်တော့ပေ။ ထင်ရှားသည့် မိသားစုတွင် ဖြစ်ပျက်လာသည့် ကိစ္စက ပြဿနာဖြစ်သည်။ သူတို့က ဇောင်အိမ်တော်ကို ပိတ်ထားခဲ့တာကြောင့် ထိုအရာက ဇောင်ယုဟွမ် ကိုအနှောင့်အယှက် ဖြစ်စေခဲ့သည်။
အတွင်းရေးမှူးချန်း ကသူ့ရုံးခန်းကို စာရွက်စာတမ်းတွေနဲ့ ဝင်လာချိန်တွင် လန်ဂျင်းဇီ ကမော့ကြည့်လိုက်ပြီး ပြောလိုက်သည်။
“သူတို့လိုချင်တာကို သတင်းပို့ခွင့်ပြုလိုက်၊ ဒါပေမဲ့ ဇောင်ယုဟွမ် ကိုအနှောင့်အယှက် မဖြစ်စေနဲ့” အတွင်းရေးမှူးချန်း ကခေါင်းညိတ်ပြီး ပြောလိုက်သည်။
“အိုကေ”
အတွင်းရေးမှူးချန်း ကလုပ်ရည်ကိုင်ရည် မြင့်မားသည်။ စာရွက်စာတမ်းတွေကို ချပြီးနောက်တွင် ချက်ချင်းပဲ လန်ဂျင်းဇီ ရဲ့စားပွဲမှာ သတင်းစာကို ချက်ချင်း ကောက်ယူလိုက်ပြီး သူနဲ့အတူ ယူသွားကာ သတင်းစာတွေနဲ့ မီဒီယာ အားလုံးဆီကို လျင်မြန်စွာ ဆက်သွယ်လိုက်သည်။
သူလုပ်ဖို့ လိုအပ်တာကတော့ စကားအနည်းငယ်လောက် ပြောရုံသာ ဖြစ်တာကြောင့် မခက်ခဲပေ။ ရိုးရှင်းစွာ ပြောရရင် မီဒီယာတွေက တခြားသူ ဘယ်လိုဖြစ်မှာကို မစိုးရိမ်ကြပေ။
သူတို့က သရုပ်ဆောင်တွေ၊ ထင်ရှားသည့် မိသားစုတွေ၊ ချမ်းသာသည့် စီးပွားရေးသမားတွေကို ဂရုမစိုက်ကြပေမဲ့ သူတို့က လန်ဂျင်းဇီ နဲ့သူ့အချက်အလက်တွေကိုတော့ ဂရုစိုက်ကြသည်။
လန်ဂျင်းဇီ ကသူကိုယ်တိုင်ပင် ပြောဖို့မလိုအပ်ပေ၊ သူ့အတွင်းရေးမှူးက စကားနည်းနည်း ပြောလိုက်တာနဲ့ သူတို့ကိုယ်တိုင်ရဲ့ အပြုအမူတွေကို ဆင်ခြင်ဖို့က လုံလောက်သည်။
*****
နောက်တစ်နေ့တွင် ဇောင်ယုဟွမ် ကသတင်းထောက်တွေ သူမအိမ်နားတွင် နည်းပါးသွားတာကို ချက်ချင်း သတိထားမိသွားသည်။ အိမ်တော်က အိမ်ဖော်တောင်မှ မထိန်းချုပ်နိုင်ပဲ ပြောလိုက်သည်။
“အစောင့်တွေ တင်းတင်းကြပ်ကြပ် စောင့်ကြပ်နေတာတောင် သူတို့က ခိုးဝင်ကြဖို့ ကြိုးစားကြသေးတယ်။ အရှက်မရှိတဲ့ လူတွေ! ကံကောင်းစွာနဲ့ပဲ နောက်ဆုံးတော့ သူတို့က သူတို့အသိနဲ့ ထွက်သွားရမှာကို နားလည်သွားပြီပဲ…. သူတို့ကြောင့်ပဲ မိန်းကလေးက အိမ်တော်အပြင်ကိုတောင် လမ်းမလျှောက်ရဘူး”
ဆိုဖာတွင် ခွေနေသည့် ဇောင်ယုဟွမ် ကဘာမှမပြောပဲ ပြုံးလိုက်သည်။ လက်ထောက်ကျောင် ကမကြာခင်က သူတို့ကုမ္ပဏီက အချက်အလက်တွေကို တင်ပြခဲ့ပြီး ဇောင်ယုဟွမ် ကဘလက် ကော်ဖီ တစ်ခွက်တောင် လုပ်ပေးခဲ့သည်။
ဘလက်ကော်ဖီ ကအရင်တုန်းက အင်္ဂလန်ကနေ ဇောင်ယုဟွမ် ဝယ်လာခဲ့တာ ဖြစ်သည်။ လက်ထဲတွင် ဘလက်ကော်ဖီကို ကိုင်ထားရင်း ဇောင်ယုဟွမ် မေးလိုက်သည်။
“ရှုရှင်း ကဒီအကြောင်းကို အခုတော့ သိသင့်ပြီမလား? သူ့တုန့်ပြန်ချက်က ဘယ်လိုလဲ?”
“ဒါက အတော်လေးကို ထူးဆန်းပါတယ်…. သခင်လေးရှု က ရှုရန်ဟွေ့ ကိုနှစ်သက်ပုံမရပေမဲ့ ထိုအကြောင်းကို ကြားလိုက်တုန်းက ငိုခဲ့တယ်။ ဒါပေမဲ့ အဲ့နောက်မှာ သူပထမဆုံး ပြောတဲ့အရာက မာဖီကျောင်းမှာ မနေပဲ တခြားကို ပြောင်းချင်တယ်လို့ ပြောခဲ့တယ်”
“အခု သူဘယ်နေရာမှာလဲ?”
“ရှုအိမ်တော်မှာပါ” ဇောင်ယုဟွမ် မျက်ခုံးပင့်လိုက်သည်။
“ရှုအိမ်တော်မှာ တခြားမိသားစုတွေ ရှိလား?”
“ရှိပါတယ်၊ ရှုရန်ဟွေ့ ရဲ့မိဘတွေက ရှိနေတုန်းပါပဲ။ သူမမှာ အစ်မနှစ်ယောက်လည်း ရှိပါတယ်။ သူမမိဘတွေက သခင်လေးရှု ကိုခေါ်ခဲ့ပါတယ်” လက်ထောက်ကျောင် ကပြောလိုက်သည်။ ထို့နောက် ခနရပ်လိုက်ကာ ထပ်ပြောလိုက်သည်။
“အရင်တုန်းက သူဌေးဇောင် ကသခင်လေးရှု ကိုဇောင်အိမ်တော်ရဲ့ အစိတ်အပိုင်းအဖြစ် လက်ခံမှာ မဟုတ်ဘူးလို့ ပြောခဲ့တယ်….”
ရှုရှင်း က ဇောင်ချီ ရဲ့သားဆိုတာကို ဦးနှောက် တစ်ဝက်သာရှိတဲ့ လူတွေကလွဲပြီး ကျန်တဲ့သူတွေ အကုန်လုံး ပြောနိုင်တယ်။ ဒါ့ကြောင့်ပဲ ရှုရှင်း မှာများပြားလှသည့် ပြဿနာတွေ ဖြစ်လာခဲ့သည်။
သူတို့က သူဌေးဇောင် ရဲ့စကားတွေကို စွဲမြဲစွာ ဆုပ်ကိုင်ထားရင် လူကြားထဲတွင် ဇောင်ယုဟွမ် ကဂရုစိုက်မခံရတဲ့ သမီးလို့ အခေါ်ခံရလိမ့်မည်။ လက်ထောက်ကျောင် က ဇောင်ယုဟွမ် ဘက်တွင်သာ ရှိနေခဲ့သည်။
ပုံမှန်အားဖြင့် သူ့လက်ရှိသူဌေး၊ မိန်းကလးဇောင် အားလူထုရဲ့ ထင်မြင်ချက်ကို လိုက်နာနေစေရန်က သူ့ဆန္ဒမဟုတ်ဘူး။ နောက်ပြီး မကောင်းမြင်တတ်တဲ့ လူထုရဲ့ အမြင်တွေက သူတို့ရဲ့ စတော့ဈေးနှုန်းကိုလည်း အကျိုးသက်ရောက်နိုင်သည်။
သူဌေးဇောင် ရှိချိန်တုန်းက သူက မျိုးဆက်ဟောင်းဖြစ်ပြီး ဘယ်သူကမှ သူ့ဆုံးဖြတ်ချက်ကို မဆန့်ကျင်ရဲကြပေ။ ဒါပေမဲ့ အခုက မိန်းကလေးဇောင် ဖြစ်လာချိန်တွင် သူမ မောင်လေးဆီကနေတောင် တိုက်ခိုက်ခံနေရသည်။
လက်ထောက်ကျောင် ကဘာပြောဖို့ ကြိုးစားနေလဲဆိုတာကို ဇောင်ယုဟွမ် နားလည်သည်။ သူမက ပြုံးလိုက်ပြီး ပြောလိုက်သည်။
“ဇောင်အိမ်တော်က သူ့ကျောင်းစရိတ်ကို ဆက်ပေးနေဦးမှာပါ။ သူဘွဲ့ရတဲ့အထိ၊ ဒါမှမဟုတ် Ph.D ရတဲ့အထိ ကျွန်မတို့ဘက်က ဂရုစိုက်ပေးမှာပါ။ ဒါက လုံလောက်သင့်တယ်လို့ ကျွန်မထင်တယ်။ နောက်ပြီး၊ ရှုရန်ဟွေ့ ကအိမ်တစ်လုံး၊ ကားတစ်စီးတောင် မရှိဘူးလား? အဲ့ဒါတွေအားလုံးက သူ့အပိုင်ဖြစ်လာမှာပဲလေ။ အိမ်၊ ကားနဲ့ ကျူရှင်စရိတ်တွေထက်တောင် များပြားသေးတယ်၊ သူက တခြားသူတွေထက် ကံကောင်းပြီးသားပဲ”
“အိုကေ၊ ကျွန်မတို့ ဒါကို မြင်ရမှာပါ” ပြောလိုက်ပြီး ဇောင်ယုဟွမ် ကလက်ဖက်ရည်ခွက်ကို ချလိုက်ပြီး သူမဖုန်းကို ဖွင့်လိုက်ကာ WeChat မှဗီဒီယိုကို ကြည့်လိုက်သည်။
အဲ့ဒါကတော့ လီဂျင်းယွမ် ရဲ့ဗီဒီယို ဖြစ်သည်။
သူ့ရိုက်ကူးရေးအတွင်းတွင် လီဂျင်းယွမ် အားလူကြိုက်များသည့် အဆိုတော်တစ်ဦးရဲ့ MV အတွက် လက်မှတ်ထိုးခဲ့သည်။ ထို MV တွင် သူသရုပ်ဆောင်ရသည့် နေရာမှာ အင်ပါယာ ပြိုလဲချိန်တွင် တစ်ယောက်ထဲသာ ကျန်နေခဲ့သည့် မင်းသား တစ်ပါးနေရာမှ ပါဝင်ခဲ့သည်။
သူ့တွင် တစ်ဖက်ကို စောင်းနေသည့် သရဖူနဲ့ နပိုလီယံ အဖြူရောင် အဝတ်အစားတွေကို ဝတ်ထားသည့်အပြင် သူ့လက်ထဲတွင်လည်း ဓားတစ်ချောင်းကို ကိုင်ထားသည်။
လီဂျင်းယွမ် သည်အရင်တုန်းက ဓားသိုင်းကို လေ့ကျင့်ခဲ့ဖူးတာကြောင့် ကင်မရာအောက်တွင် ဓားကိုကိုင်ထားသည့် သူ့ပုံစံမှာ အရပ်ရှည်ပြီး သွယ်လျကာ၊ အတော်လေးကို ကြည့်ကောင်းနေပြီး နပိုလီယမ် ဝတ်စုံက သူ့အား တော်ဝင်ဆန်ပြီး မာနကြီးပုံပေါ်သွားစေသည်။
ဇောင်ယုဟွမ် တောင်ထိုဗီဒီယိုအား ကြည့်ကြီးနောက်တွင် လီဂျင်းယွမ် ရဲ့ပြိုင်ဘက်ကင်းသည့် အကြောင်းအရာတွေကြောင့် သက်ပြင်းချလိုက်မိသည်။ သူက ဇာတ်လိုက်ဆိုတာက အံ့ဩစရာမရှိဘူးပဲ။
ဗီဒီယိုကို ကြည့်ပြီးနောက်တွင် Wechat ကပြန်ရှယ်ထားတာက တစ်သောင်းရှိပြီး ကွန်မန့်က ၁၃၀၀၀ ရှိတာကို တွေ့လိုက်ရသည်။
တကယ်ပဲ ပြည့်စုံလွန်းတယ်….
ဒီလိုမျိုး ခံစားလိုက်ရတာက သူမ တစ်ယောက်တည်း မဟုတ်ပေ။ တခြားလူတိုင်းကလည်း ဒီလိုမျိုး ခံစားမိမှာပဲ! ဒါ့ကြောင့်ပဲ လူတိုင်းက ဒီဗီဒီယိုကို ပြန်ရှယ်နိုင်ကြတာပေါ့!
ထို့နောက် ဇောင်ယုဟွမ် က လီဂျင်းယွမ် ရဲ့WeChat ကိုနှိပ်လိုက်သည်။ အခုတော့ သူ့မှာ ဖန်တွေတောင် ရှိနေပြီ။ အခုသူ့ဖန်က ခြောက်သန်းကျော်တောင် ရှိနေပြီ။
ဒီနှုန်းနဲ့ သူ့ဖန်အရေအတွက်က သိပ်မကြာခင်မှာ ၁၀ သန်းတောင်ကျော်သွားနိုင်တယ်….
ဟုန်ချန်းမင်း ပြောခဲ့တာကြောင့် ဇောင်ယုဟွမ် Wechat မကြည့်ခဲ့တာ ရက်ပိုင်းလောက် ရှိနေခဲ့သည်။ အခုတော့ သူမ သတိရသွားပြီး သူမကိုယ်ပိုင် အကောင့်ကို ကြည့်လိုက်သည်။ သူမထွက်ထားခဲ့သည့် အကောင့်ကို ပြန်ဝင်လိုက်သည်။
သူမရဲ့ အဓိကပေ့ချ်အောက်ကို ကြည့်လိုက်ပြီး သူမတွင်လည်း ဖန် နှစ်သန်းကျော် ရှိနေသည်။ ပုံမှန်ဖြင့် ဒါက လီဂျင်းယွမ် အနားကိုတောင် မနီးကပ်ပေ။ ဒါပေမဲ့ အဲ့ဒါက ဓာတ်ပုံလေး တစ်ပုံထဲကနေ ဖြစ်ပြီး ဒါကလည်း အတော်လေး အထင်ကြီးစရာ ဖြစ်ခဲ့သည်။
ဇောင်ယုဟွမ် ကသူမရဲ့ ဘလက်ကော်ဖီကို ဓာတ်ပုံရိုက်လိုက်ပြီး တင်လိုက်သည်။ သူမက အင်တာနက်တွင် လုံလောက်အောင် ဩဇာလွှမ်းမိုးနေတာ မဟုတ်ပေမဲ့ အခုတော့ သူမတွင် ဖော်လိုဝါများစွာရှိနေပြီး သူမက အချိန်အတော်ကြာ ဘာမှမတင်ခဲ့တာအတွက် စိတ်မကောင်းဖြစ်သလို ခံစားရသည်။
သူမဖန်တွေ ပျောက်သွားမှာကို သူမ မလိုချင်ပေ။ သူမ ပုံတင်ပြီးမကြာခင် ကွန်မန့်တွေက ချက်ချင်းပင် တက်လာခဲ့သည်။
“ဇနီးလေးရဲ့လက်က အတော်လေးကို လှတာပဲ။ သူမလက်ချောင်းတွေက သေးသွယ်ပြီး အတော်လေးကို လှတယ်!”
“ဇနီးလေး အခုဘာသောက်နေတာလဲ? လက်ဖက်ရည်လား? တဆိတ်လောက်၊ ငါ့ဇနီးလေးအတွက် လက်ဖက်ရည် ယူပေးဖို့ လိုအပ်နေတယ်!”
“သူမ လက်ကလေးတောင် တော်တော်လှတာပဲ…. ငါ့ကိုယ်ငါ ပြန်ကြည့်လိုက်ရင် ငါ့လက်က ဝက်လိုမျိုးပဲ….”
ဇောင်ယုဟွမ် ကသူမကို “ဇနီး”လို့ ရည်ညွှန်းပြောနေကြတဲ့ သူတွေရဲ့ အကောင့်တွေကို ဝင်ကြည့်လိုက်သည်။ သူတို့အများစုက မိန်းကလေးတွေ ဖြစ်ကြသည်။
အင်း….. အခုခေတ် မိန်းကလေးတွေက တခြားသူတွေကို “ယောင်္ကျား” လို့မခေါ်ပဲ “ဇနီး”လို့ပဲ သုံးကြတာလား?
ဒါက ချစ်ဖို့ကောင်းတယ်။
ဇောင်ယုဟွမ် ကသူတို့ရဲ့ စာတစ်ချို့ကို နှိပ်လိုက်ပြီး “နှလုံးသား”ပုံစံ emoji ဖြင့်ပြန်ဖြေလိုက်သည်။
*****
ဟုန်ချန်းမင်း ကသူ့အပေါ်ဝတ်ကို ချွတ်လိုက်ပြီး ဘေးတွင်ချလိုက်သည်။ အနည်းငယ် မှီလိုက်ပြီး ဆောက်လုပ်ရေး အစီအစဉ်ကို အာရုံစိုက်ပြီး လေ့လာနေခဲ့သည်။ သူ့ဘေးပတ်လည်က လူတိုင်းက အသက်ရှူသံတောင် ကျယ်ကျယ် မရှူရဲကြပေ။
မကြာခင်တွင် သူ့ဖုန်းဆီက အသံက တိတ်ဆိတ်နေသည့် အခန်းထဲတွင် ထွက်ပေါ်လာခဲ့ပြီး ထိုအသံက ဘာလဲဆိုတာကို နားလည်ဖို့အတွက် ဟုန်ချန်းမင်း တောင်အချိန်အနည်းငယ် တွေးတောလိုက်ရသည်။
ဒါက နိုတီ (Noti) အသံပင်ဖြစ်သည်။ ဒီအသံက သူ့အတွင်းရေးမှူးက ထည့်ထားပေးခြင်းဖြစ်သည်။ ဇောင်ယုဟွမ် ရဲ့WeChat မှလှုပ်ရှားမှုတွေတိုင်းအတွက် နိုတီအား ထည့်ထားခြင်းဖြစ်သည်။ (Facebook မှာဆိုရင် Close Friend/ Noti ဖွင့်ထားသလိုမျိုး)
ဟုန်ချန်းမင်း ခါးကိုမတ်လိုက်ပြီး သူ့ဖုန်းကို ကောက်ကိုင်လိုက်သည်။ ထို့နောက် WeChat တွင် ဇောင်ယုဟွမ် ရဲ့ပို့စ်အသစ်ကို မြင်လိုက်ရသည်။ ထိုအကြောင်းကို ဟုန်ချန်းမင်း ကစဉ်းတောင်း မစဉ်းစားပဲ တုန့်ပြန်လိုက်သည်။
“ငါတို့ နောက်ဆုံးအကြိမ်တုန်းက ဝယ်လာခဲ့တဲ့ F&M Earl Grey ကပိုကောင်းတယ်။ အဲ့ဒါက မင်းဧည့်ခန်းကို လျှောက်သွားလိုက်ရင် ဘယ်ဘက်ခြမ်းက အံဆွဲအတွင်းမှာရှိတယ်”
သူ့လက်ထဲတွင် ဖုန်းကို ကိုင်ထားပြီး စောင့်ပြီးရင်း စောင့်နေခဲ့သည်။ ဒါပေမဲ့ ဇောင်ယုဟွမ် ဆီက ပြန်ဖြေတာကို မမြင်ရပေ။ အိုကေ၊ ဒါကို စိတ်ထဲမထားဘူး။
ဟုန်ချန်းမင်း ကပေ့ချ်ကို ကြည့်လိုက်ချိန်တွင် အပေါ်ဆုံးက ကွန်မန့်ကတော့ “ဇနီးလေးရဲ့ လက်က အတော်လေး လှတာပဲ။ လျက်၊ လျက်၊ လျက်”
ထို့နောက် “အခု ဇနီးလေးက ဘာသောက်နေတာလဲ? လက်ဖက်ရည်လား? တဆိတ်လောက်၊ ငါ့ဇနီးလေးအတွက် လက်ဖက်ရည် ယူပေးဖို့ လိုအပ်နေတယ်!”
ဟုန်ချန်းမင်း ကထိုစာကို နှိပ်လိုက်ပြီး ဇောင်ယုဟွမ် ကထိုစာအား ပြန်ဖြေထားတာကိုလည်း တွေ့လိုက်ရသည်။ နောက်ပြီး သူမက နှလုံးသားပုံစံ Emoji နဲ့တောင် ပြောထားသေးတယ်!
ချက်ချင်းပဲ သံပုရာသီး တစ်လုံးလုံးကို စားလိုက်ရသလိုမျိုး ဟုန်ချန်းမင်း ခံစားလိုက်ရသည်။
…အရမ်းချဉ်တာပဲ။
“မစ္စတာဟုန်?”
တစ်ယောက်ယောက်က သူ့ဘေးကနေ ညင်သာစွာဖြင့် သတိပေးလိုက်သည်။ သူတို့တွင် ဂရုစိုက်ရမည့် တခြားအရာတွေ ရှိနေသေးသည်။ ဟုန်ချန်းမင်း ကသူ့ဒေါသတွေကို ဖိနှိပ်လိုက်ပြီး သူ့ဖုန်းကို အဝေးမှာချလိုက်ပြီး တည်ငြိမ်အောင် ပြုလုပ်လိုက်သည်။
သို့သော် သူ့နားတွေကတော့ ဖုန်းဆီမှ အသံကို ကြားရမလားဆိုပြီး နားစွင့်နေခဲ့သည်။
*****
ရှိုးပွဲအတွင်းတွင် လီဂျင်းယွမ် ကပုံမှန်လှုပ်ရှားမှုသာ ရှိသည့် မီဒီယာများဆီမှ အင်တာဗျူးများကို လက်မခံခဲ့ပေ။ ထို့နောက် သူဖြေချင်သည့် အင်တားဗျူး အနည်းငယ်ကိုသာ သွားခဲ့ပြီး ထိုအချက်ကပင် အင်တာနက်က ဖန်တွေက ပိုများလာခဲ့သည်။
ထို့နောက်တွင် ရုတ်တရက် လူတိုင်းက သူအား အင်တာဗျူးချင်နေကြသည်။ စတော်ဘယ်ရီ မီဒီယာမှ ကံကောင်းစွာဖြင့် လီဂျင်းယွမ် အားအင်တာဗျူးဖို့ ဖိတ်ခေါ်နိုင်ခဲ့သည်။
လီဂျင်းယွမ် သည်ကင်မရာပေါ်တွင် ရှိသည့် လူနဲ့ အတော်လေး ခြားနားသည်။ စတော်ဘယ်ရီ မီဒီယာမှ ဝန်ထမ်းများသည် တုန်လှုပ်သွားခဲ့ကြသည်။
သူက အဆ ၁၀၀ ထက်တောင် ကြည့်ကောင်းနေသေးတယ်!
နောက်ပြီး သူ့စိတ်ထားကလည်း အဆ ၁၀၀ တောင်ကောင်းသေးတယ်!
ဒါက ကြင်နာတတ်တဲ့ မင်းသားနဲ့တူတဲ့ ဇာတ်ရုပ်ပဲလား?!
ကင်မရာရှေ့ကို လျှောက်လာချိန်တွင် သူ့ပုံရိပ်က ပျက်စီးမသွားရုံသာမက သူက ပိုပြီးတော့တောင် ကြည့်ကောင်းလာသေးတယ်!
ရိုးရိုးရှင်းရှင်း နှုတ်ဆက်ပြီးနောက်တွင် အင်တာဗျူးက စတင်ခဲ့သည်။
“အသက်က?”
“၁၈”
“အရပ်အမြင့်က?”
“၁.၈၂ မီတာ”
“အို၊ ရှင်က အရွယ်နဲ့မလိုက်ပဲ အရပ်ရှည်တာပဲ! ဒီ MV ကိုရိုက်ကူးနေချိန်မှာ ရှင်ဘာတွေ စဉ်းစားနေလဲဆိုတာကို ကျွန်မတို့ သိအောင် ပြောပြပေးနိုင်မလား?”
“ဒါက အခွင့်အလမ်းရဲ့ တစ်စိတ်တစ်ပိုင်း ဖြစ်မယ်ဆိုတာကို ကျွန်တော် နားလည်ပါတယ်”
“Haha ဒါက တရားဝင်ဖြေတာနဲ့ တူနေတယ်” အင်တာဗျူးသူက ရယ်မောကာဖြင့် မေးလိုက်သည်။
“ရှင်က လက်ထဲမှာ ဓားကိုင်ထားတာက တော်ဝင်မင်းသား တစ်ပါးနဲ့ အတော်လေး တူတယ်လို့ လူတိုင်းက ပြောနေကြတယ်။ ရှင့်အတွေးကကော ဘယ်လိုလဲ?”
“ကျွန်တော် မင်းသားတစ်ပါး မဖြစ်ချင်ဘူး။ ကျွန်တော်က ဓားသမားပဲ ဖြစ်သင့်တယ်”
“မင်းသား၊ ဓားသမား၊ နှစ်မျိုးလုံးက အတော်လေး မိုက်တယ်!” အင်တာဗျူးသူက ချီးကျူးလိုက်ပြီး သူ့ကို ထပ်မေးလိုက်သည်။
“ရှင်ဓားကိုင်ထားပုံက အတော်လေးကို ကျွမ်းကျင်နေတယ်လို့ ကျွန်မ ကြားခဲ့တယ်?”
“ဟုတ်တယ်။ အရင်တုန်းက ဓားသိုင်းကို လေ့လာခဲ့ဖူးတယ်”
“Wow! အံ့ဩစရာပဲ! ရှင့်ရဲ့ ဝါသနာက ဘာတွေလဲ? အဲ့ဒါက ဓားသိုင်းလား?” လီဂျင်းယွမ် ကနူးညံ့စွာ ပြုံးလိုက်ပြီး ပြောလိုက်သည်။
“လက်ဖက်ရည် သောက်တာပါ ထည့်တွက်လို့ရမလား? ဘလက်ကော်ဖီ”
9.8.2020 (Sun)
……………………
<Zawgyi>
တဆိတ္ေလာက္၊ ငါ့ဇနီးေလးအတြက္ လက္ဖက္ရည္ သြားယူဖို႔လိုတယ္
“အင္း….. ကိုကိုခ်န္းမင္း” ေဇာင္ယုဟြမ္ ႏူးညံ့စြာ ေျပာလိုက္သည္။
ဒါက အရင္တုန္းက အခ်ိန္ေတြနဲ႔ တူသည္။ သူမအသံက ႏူးညံ့ၿပီး သိမ္ေမြ႕ေနသည္။ ထိုအရာကို အရင္တုန္းက အႀကိမ္မ်ားစြာ ဟုန္ခ်န္းမင္း ၾကားခဲ့ရသည္။
ဒါေပမဲ့ ဒီတစ္ႀကိမ္ကေတာ့ သူၾကားခဲ့ရသည့္ ပထမဆုံး အႀကိမ္နဲ႔ တူေနသည္။ သူ႔ရင္ဘတ္၊ နားေတြနဲ႔ လည္ပင္းေတြမွာ ပူလာတာကို သူခံစားမိသည္။
ဟုန္ခ်န္းမင္း ကသူ႔ႏႈတ္ခမ္းေတြကို ဟလိုက္ၿပီး တျခားအရာကို ေျပာခ်င္ေပမဲ့ သူ႔ေဘးက ဖုန္းကေန အသံကို ၾကားလိုက္ရသည္။ ဟုန္ခ်န္းမင္း ေ႐ြးခ်ယ္စရာ မရွိေတာ့ပဲ သူေျပာခ်င္ေနသည့္ စကားေတြကို ၿမိဳခ်လိုက္သည္။
ဒါေပမဲ့ အေစာပိုင္းက ၾကားခဲ့ရသည့္ ‘ကိုကိုခ်န္းမင္း’ ဆိုသည့္ အသံကေတာ့ သူ႔စိတ္ထဲတြင္ စြဲေနၿပီး ျပန္ျပန္ၾကားေနခဲ့သည္။ ေဇာင္ယုဟြမ္ ကဖုန္းကို ခ်လိုက္ၿပီး သူမနားကို ထိလိုက္သည္။
ဟုန္ခ်န္းမင္း ဆီက အသံကေန သူမကို သူ႔ရဲ႕ တကယ္ပုံစံကို သတိေပးေနခဲ့သည္။
သူက ဗီလိန္ပဲ။
ေဇာင္ယုဟြမ္ သက္ျပင္းခ်လိုက္ၿပီး သူမဘာသာ ေတြးလိုက္သည္။ ‘သူကေလးတုန္းက ‘ကိုကို’လို႔ ေခၚလိုက္ခ်ိန္မွာ သူ႔နားေတြက နီရဲသြားတယ္။ အခုေတာ့ သူက တက္ႂကြစြာနဲ႔ ေတာင္းဆိုခဲ့တယ္’
က်စ္!
အဲ့လူေတြ!
သူတို႔ေတြ အ႐ြယ္ေရာက္လာတာက ေကာင္းကိုမေကာင္းဘူ!
*****
လီဂ်င္းယြမ္ ရဲ႕ရႈိးပြဲကလည္း အပိုင္း ၃ ကိုလ်င္ျမန္စြာနဲ႔ ေရာက္လာခဲ့သည္။ သူက ရွာေဖြမႈမွတ္တမ္းတြင္ ထိပ္ဆုံးကို ထပ္ေရာက္ခဲ့ၿပီး ႏိုင္ငံသားအမ်ားစုက သူ႔ကို ‘ႏိုင္ငံသားေတြရဲ႕ ခ်စ္စရာ ပါပီမ်က္ႏွာေလး’လို႔ ေခၚၾကေလသည္။
သူ႔အသြင္အျပင္နဲ႔ ပုံစံေၾကာင့္ သူ႔ဆီကေန ဘယ္သူမွ ခ်စ္ျခင္းေမတၱာကို ရမွာမဟုတ္ဟု သူတို႔က ယုံၾကည္ၾကသည္။ လီဂ်င္းယြမ္ ကအင္တာနက္ေပၚတြင္ အံ့အားသင့္စရာေကာင္းေလာက္သည့္ အရွိန္ျဖင့္ လူႀကိဳက္မ်ားလာခဲ့သည္။
သူ႔ဖန္ေတြကလည္း ရက္သတၱပတ္ အနည္းငယ္အတြင္းမွာပဲ ငါးသန္းအထိ တိုးလာခဲ့သည္။ အပိုင္း ၄ ကိုလႊင့္ခ်ိန္တြင္ ရႈရန္ေဟြ႕ နဲ႔ ရႈယုရွန္း တို႔က သူတို႔ရဲ႕ စမ္းသပ္ခ်က္ေတြ ေက်ာ္ခဲ့ၾကသည္။
ရႈရန္ေဟြ႕ ကေတာ့ ေထာင္ဒဏ္ ၃ ႏွစ္က်ခံခဲ့သည္။ ရႈယုရွန္း ကေတာ့ ကိစၥအားလုံးကို ရႈရန္ေဟြ႕ ဆီကို လႊဲခ်ခဲ့သည္။ ဒီအရာက ထင္ရွားသည့္ မိသားစုတြင္ ျဖစ္ပ်က္ခဲ့တာေၾကာင့္ သတင္းတစ္ပုဒ္ ျဖစ္လာခဲ့သည္။
မီဒီယာအားလုံးက သတင္းရဖို႔အတြက္ တိုက္ခိုက္ေနၾကသည္။ လန္ဂ်င္းဇီ ေတာင္မွ ထိုအရာကို သတင္းစာထဲတြင္ ဖတ္ခဲ့ရသည္။
ရႈရန္ေဟြ႕ နဲ႔သူမသမီး တို႔ရဲ႕ျပစ္မႈေတြ အေၾကာင္းကို ရွာေဖြဖို႔က လူတိုင္းအတြက္ေတာ့ ႀကီးမားသည့္ အရာမဟုတ္ေတာ့ေပ။ ထင္ရွားသည့္ မိသားစုတြင္ ျဖစ္ပ်က္လာသည့္ ကိစၥက ျပႆနာျဖစ္သည္။ သူတို႔က ေဇာင္အိမ္ေတာ္ကို ပိတ္ထားခဲ့တာေၾကာင့္ ထိုအရာက ေဇာင္ယုဟြမ္ ကိုအေႏွာင့္အယွက္ ျဖစ္ေစခဲ့သည္။
အတြင္းေရးမႉးခ်န္း ကသူ႔႐ုံးခန္းကို စာ႐ြက္စာတမ္းေတြနဲ႔ ဝင္လာခ်ိန္တြင္ လန္ဂ်င္းဇီ ကေမာ့ၾကည့္လိုက္ၿပီး ေျပာလိုက္သည္။
“သူတို႔လိုခ်င္တာကို သတင္းပို႔ခြင့္ျပဳလိုက္၊ ဒါေပမဲ့ ေဇာင္ယုဟြမ္ ကိုအေႏွာင့္အယွက္ မျဖစ္ေစနဲ႔” အတြင္းေရးမႉးခ်န္း ကေခါင္းညိတ္ၿပီး ေျပာလိုက္သည္။
“အိုေက”
အတြင္းေရးမႉးခ်န္း ကလုပ္ရည္ကိုင္ရည္ ျမင့္မားသည္။ စာ႐ြက္စာတမ္းေတြကို ခ်ၿပီးေနာက္တြင္ ခ်က္ခ်င္းပဲ လန္ဂ်င္းဇီ ရဲ႕စားပြဲမွာ သတင္းစာကို ခ်က္ခ်င္း ေကာက္ယူလိုက္ၿပီး သူနဲ႔အတူ ယူသြားကာ သတင္းစာေတြနဲ႔ မီဒီယာ အားလုံးဆီကို လ်င္ျမန္စြာ ဆက္သြယ္လိုက္သည္။
သူလုပ္ဖို႔ လိုအပ္တာကေတာ့ စကားအနည္းငယ္ေလာက္ ေျပာ႐ုံသာ ျဖစ္တာေၾကာင့္ မခက္ခဲေပ။ ႐ိုးရွင္းစြာ ေျပာရရင္ မီဒီယာေတြက တျခားသူ ဘယ္လိုျဖစ္မွာကို မစိုးရိမ္ၾကေပ။
သူတို႔က သ႐ုပ္ေဆာင္ေတြ၊ ထင္ရွားသည့္ မိသားစုေတြ၊ ခ်မ္းသာသည့္ စီးပြားေရးသမားေတြကို ဂ႐ုမစိုက္ၾကေပမဲ့ သူတို႔က လန္ဂ်င္းဇီ နဲ႔သူ႔အခ်က္အလက္ေတြကိုေတာ့ ဂ႐ုစိုက္ၾကသည္။
လန္ဂ်င္းဇီ ကသူကိုယ္တိုင္ပင္ ေျပာဖို႔မလိုအပ္ေပ၊ သူ႔အတြင္းေရးမႉးက စကားနည္းနည္း ေျပာလိုက္တာနဲ႔ သူတို႔ကိုယ္တိုင္ရဲ႕ အျပဳအမူေတြကို ဆင္ျခင္ဖို႔က လုံေလာက္သည္။
*****
ေနာက္တစ္ေန႔တြင္ ေဇာင္ယုဟြမ္ ကသတင္းေထာက္ေတြ သူမအိမ္နားတြင္ နည္းပါးသြားတာကို ခ်က္ခ်င္း သတိထားမိသြားသည္။ အိမ္ေတာ္က အိမ္ေဖာ္ေတာင္မွ မထိန္းခ်ဳပ္ႏိုင္ပဲ ေျပာလိုက္သည္။
“အေစာင့္ေတြ တင္းတင္းၾကပ္ၾကပ္ ေစာင့္ၾကပ္ေနတာေတာင္ သူတို႔က ခိုးဝင္ၾကဖို႔ ႀကိဳးစားၾကေသးတယ္။ အရွက္မရွိတဲ့ လူေတြ! ကံေကာင္းစြာနဲ႔ပဲ ေနာက္ဆုံးေတာ့ သူတို႔က သူတို႔အသိနဲ႔ ထြက္သြားရမွာကို နားလည္သြားၿပီပဲ…. သူတို႔ေၾကာင့္ပဲ မိန္းကေလးက အိမ္ေတာ္အျပင္ကိုေတာင္ လမ္းမေလွ်ာက္ရဘူး”
ဆိုဖာတြင္ ေခြေနသည့္ ေဇာင္ယုဟြမ္ ကဘာမွမေျပာပဲ ၿပဳံးလိုက္သည္။ လက္ေထာက္ေက်ာင္ ကမၾကာခင္က သူတို႔ကုမၸဏီက အခ်က္အလက္ေတြကို တင္ျပခဲ့ၿပီး ေဇာင္ယုဟြမ္ ကဘလက္ ေကာ္ဖီ တစ္ခြက္ေတာင္ လုပ္ေပးခဲ့သည္။
ဘလက္ေကာ္ဖီ ကအရင္တုန္းက အဂၤလန္ကေန ေဇာင္ယုဟြမ္ ဝယ္လာခဲ့တာ ျဖစ္သည္။ လက္ထဲတြင္ ဘလက္ေကာ္ဖီကို ကိုင္ထားရင္း ေဇာင္ယုဟြမ္ ေမးလိုက္သည္။
“ရႈရွင္း ကဒီအေၾကာင္းကို အခုေတာ့ သိသင့္ၿပီမလား? သူ႔တုန႔္ျပန္ခ်က္က ဘယ္လိုလဲ?”
“ဒါက အေတာ္ေလးကို ထူးဆန္းပါတယ္…. သခင္ေလးရႈ က ရႈရန္ေဟြ႕ ကိုႏွစ္သက္ပုံမရေပမဲ့ ထိုအေၾကာင္းကို ၾကားလိုက္တုန္းက ငိုခဲ့တယ္။ ဒါေပမဲ့ အဲ့ေနာက္မွာ သူပထမဆုံး ေျပာတဲ့အရာက မာဖီေက်ာင္းမွာ မေနပဲ တျခားကို ေျပာင္းခ်င္တယ္လို႔ ေျပာခဲ့တယ္”
“အခု သူဘယ္ေနရာမွာလဲ?”
“ရႈအိမ္ေတာ္မွာပါ” ေဇာင္ယုဟြမ္ မ်က္ခုံးပင့္လိုက္သည္။
“ရႈအိမ္ေတာ္မွာ တျခားမိသားစုေတြ ရွိလား?”
“ရွိပါတယ္၊ ရႈရန္ေဟြ႕ ရဲ႕မိဘေတြက ရွိေနတုန္းပါပဲ။ သူမမွာ အစ္မႏွစ္ေယာက္လည္း ရွိပါတယ္။ သူမမိဘေတြက သခင္ေလးရႈ ကိုေခၚခဲ့ပါတယ္” လက္ေထာက္ေက်ာင္ ကေျပာလိုက္သည္။ ထို႔ေနာက္ ခနရပ္လိုက္ကာ ထပ္ေျပာလိုက္သည္။
“အရင္တုန္းက သူေဌးေဇာင္ ကသခင္ေလးရႈ ကိုေဇာင္အိမ္ေတာ္ရဲ႕ အစိတ္အပိုင္းအျဖစ္ လက္ခံမွာ မဟုတ္ဘူးလို႔ ေျပာခဲ့တယ္….”
ရႈရွင္း က ေဇာင္ခ်ီ ရဲ႕သားဆိုတာကို ဦးေႏွာက္ တစ္ဝက္သာရွိတဲ့ လူေတြကလြဲၿပီး က်န္တဲ့သူေတြ အကုန္လုံး ေျပာႏိုင္တယ္။ ဒါ့ေၾကာင့္ပဲ ရႈရွင္း မွာမ်ားျပားလွသည့္ ျပႆနာေတြ ျဖစ္လာခဲ့သည္။
သူတို႔က သူေဌးေဇာင္ ရဲ႕စကားေတြကို စြဲၿမဲစြာ ဆုပ္ကိုင္ထားရင္ လူၾကားထဲတြင္ ေဇာင္ယုဟြမ္ ကဂ႐ုစိုက္မခံရတဲ့ သမီးလို႔ အေခၚခံရလိမ့္မည္။ လက္ေထာက္ေက်ာင္ က ေဇာင္ယုဟြမ္ ဘက္တြင္သာ ရွိေနခဲ့သည္။
ပုံမွန္အားျဖင့္ သူ႔လက္ရွိသူေဌး၊ မိန္းကလးေဇာင္ အားလူထုရဲ႕ ထင္ျမင္ခ်က္ကို လိုက္နာေနေစရန္က သူ႔ဆႏၵမဟုတ္ဘူး။ ေနာက္ၿပီး မေကာင္းျမင္တတ္တဲ့ လူထုရဲ႕ အျမင္ေတြက သူတို႔ရဲ႕ စေတာ့ေဈးႏႈန္းကိုလည္း အက်ိဳးသက္ေရာက္ႏိုင္သည္။
သူေဌးေဇာင္ ရွိခ်ိန္တုန္းက သူက မ်ိဳးဆက္ေဟာင္းျဖစ္ၿပီး ဘယ္သူကမွ သူ႔ဆုံးျဖတ္ခ်က္ကို မဆန႔္က်င္ရဲၾကေပ။ ဒါေပမဲ့ အခုက မိန္းကေလးေဇာင္ ျဖစ္လာခ်ိန္တြင္ သူမ ေမာင္ေလးဆီကေနေတာင္ တိုက္ခိုက္ခံေနရသည္။
လက္ေထာက္ေက်ာင္ ကဘာေျပာဖို႔ ႀကိဳးစားေနလဲဆိုတာကို ေဇာင္ယုဟြမ္ နားလည္သည္။ သူမက ၿပဳံးလိုက္ၿပီး ေျပာလိုက္သည္။
“ေဇာင္အိမ္ေတာ္က သူ႔ေက်ာင္းစရိတ္ကို ဆက္ေပးေနဦးမွာပါ။ သူဘြဲ႕ရတဲ့အထိ၊ ဒါမွမဟုတ္ Ph.D ရတဲ့အထိ ကြၽန္မတို႔ဘက္က ဂ႐ုစိုက္ေပးမွာပါ။ ဒါက လုံေလာက္သင့္တယ္လို႔ ကြၽန္မထင္တယ္။ ေနာက္ၿပီး၊ ရႈရန္ေဟြ႕ ကအိမ္တစ္လုံး၊ ကားတစ္စီးေတာင္ မရွိဘူးလား? အဲ့ဒါေတြအားလုံးက သူ႔အပိုင္ျဖစ္လာမွာပဲေလ။ အိမ္၊ ကားနဲ႔ က်ဴရွင္စရိတ္ေတြထက္ေတာင္ မ်ားျပားေသးတယ္၊ သူက တျခားသူေတြထက္ ကံေကာင္းၿပီးသားပဲ”
“အိုေက၊ ကြၽန္မတို႔ ဒါကို ျမင္ရမွာပါ” ေျပာလိုက္ၿပီး ေဇာင္ယုဟြမ္ ကလက္ဖက္ရည္ခြက္ကို ခ်လိုက္ၿပီး သူမဖုန္းကို ဖြင့္လိုက္ကာ WeChat မွဗီဒီယိုကို ၾကည့္လိုက္သည္။
အဲ့ဒါကေတာ့ လီဂ်င္းယြမ္ ရဲ႕ဗီဒီယို ျဖစ္သည္။
သူ႔႐ိုက္ကူးေရးအတြင္းတြင္ လီဂ်င္းယြမ္ အားလူႀကိဳက္မ်ားသည့္ အဆိုေတာ္တစ္ဦးရဲ႕ MV အတြက္ လက္မွတ္ထိုးခဲ့သည္။ ထို MV တြင္ သူသ႐ုပ္ေဆာင္ရသည့္ ေနရာမွာ အင္ပါယာ ၿပိဳလဲခ်ိန္တြင္ တစ္ေယာက္ထဲသာ က်န္ေနခဲ့သည့္ မင္းသား တစ္ပါးေနရာမွ ပါဝင္ခဲ့သည္။
သူ႔တြင္ တစ္ဖက္ကို ေစာင္းေနသည့္ သရဖူနဲ႔ နပိုလီယံ အျဖဴေရာင္ အဝတ္အစားေတြကို ဝတ္ထားသည့္အျပင္ သူ႔လက္ထဲတြင္လည္း ဓားတစ္ေခ်ာင္းကို ကိုင္ထားသည္။
လီဂ်င္းယြမ္ သည္အရင္တုန္းက ဓားသိုင္းကို ေလ့က်င့္ခဲ့ဖူးတာေၾကာင့္ ကင္မရာေအာက္တြင္ ဓားကိုကိုင္ထားသည့္ သူ႔ပုံစံမွာ အရပ္ရွည္ၿပီး သြယ္လ်ကာ၊ အေတာ္ေလးကို ၾကည့္ေကာင္းေနၿပီး နပိုလီယမ္ ဝတ္စုံက သူ႔အား ေတာ္ဝင္ဆန္ၿပီး မာနႀကီးပုံေပၚသြားေစသည္။
ေဇာင္ယုဟြမ္ ေတာင္ထိုဗီဒီယိုအား ၾကည့္ႀကီးေနာက္တြင္ လီဂ်င္းယြမ္ ရဲ႕ၿပိဳင္ဘက္ကင္းသည့္ အေၾကာင္းအရာေတြေၾကာင့္ သက္ျပင္းခ်လိုက္မိသည္။ သူက ဇာတ္လိုက္ဆိုတာက အံ့ဩစရာမရွိဘူးပဲ။
ဗီဒီယိုကို ၾကည့္ၿပီးေနာက္တြင္ Wechat ကျပန္ရွယ္ထားတာက တစ္ေသာင္းရွိၿပီး ကြန္မန႔္က ၁၃၀၀၀ ရွိတာကို ေတြ႕လိုက္ရသည္။
တကယ္ပဲ ျပည့္စုံလြန္းတယ္….
ဒီလိုမ်ိဳး ခံစားလိုက္ရတာက သူမ တစ္ေယာက္တည္း မဟုတ္ေပ။ တျခားလူတိုင္းကလည္း ဒီလိုမ်ိဳး ခံစားမိမွာပဲ! ဒါ့ေၾကာင့္ပဲ လူတိုင္းက ဒီဗီဒီယိုကို ျပန္ရွယ္ႏိုင္ၾကတာေပါ့!
ထို႔ေနာက္ ေဇာင္ယုဟြမ္ က လီဂ်င္းယြမ္ ရဲ႕WeChat ကိုႏွိပ္လိုက္သည္။ အခုေတာ့ သူ႔မွာ ဖန္ေတြေတာင္ ရွိေနၿပီ။ အခုသူ႔ဖန္က ေျခာက္သန္းေက်ာ္ေတာင္ ရွိေနၿပီ။
ဒီႏႈန္းနဲ႔ သူ႔ဖန္အေရအတြက္က သိပ္မၾကာခင္မွာ ၁၀ သန္းေတာင္ေက်ာ္သြားႏိုင္တယ္….
ဟုန္ခ်န္းမင္း ေျပာခဲ့တာေၾကာင့္ ေဇာင္ယုဟြမ္ Wechat မၾကည့္ခဲ့တာ ရက္ပိုင္းေလာက္ ရွိေနခဲ့သည္။ အခုေတာ့ သူမ သတိရသြားၿပီး သူမကိုယ္ပိုင္ အေကာင့္ကို ၾကည့္လိုက္သည္။ သူမထြက္ထားခဲ့သည့္ အေကာင့္ကို ျပန္ဝင္လိုက္သည္။
သူမရဲ႕ အဓိကေပ့ခ်္ေအာက္ကို ၾကည့္လိုက္ၿပီး သူမတြင္လည္း ဖန္ ႏွစ္သန္းေက်ာ္ ရွိေနသည္။ ပုံမွန္ျဖင့္ ဒါက လီဂ်င္းယြမ္ အနားကိုေတာင္ မနီးကပ္ေပ။ ဒါေပမဲ့ အဲ့ဒါက ဓာတ္ပုံေလး တစ္ပုံထဲကေန ျဖစ္ၿပီး ဒါကလည္း အေတာ္ေလး အထင္ႀကီးစရာ ျဖစ္ခဲ့သည္။
ေဇာင္ယုဟြမ္ ကသူမရဲ႕ ဘလက္ေကာ္ဖီကို ဓာတ္ပုံ႐ိုက္လိုက္ၿပီး တင္လိုက္သည္။ သူမက အင္တာနက္တြင္ လုံေလာက္ေအာင္ ဩဇာလႊမ္းမိုးေနတာ မဟုတ္ေပမဲ့ အခုေတာ့ သူမတြင္ ေဖာ္လိုဝါမ်ားစြာရွိေနၿပီး သူမက အခ်ိန္အေတာ္ၾကာ ဘာမွမတင္ခဲ့တာအတြက္ စိတ္မေကာင္းျဖစ္သလို ခံစားရသည္။
သူမဖန္ေတြ ေပ်ာက္သြားမွာကို သူမ မလိုခ်င္ေပ။ သူမ ပုံတင္ၿပီးမၾကာခင္ ကြန္မန႔္ေတြက ခ်က္ခ်င္းပင္ တက္လာခဲ့သည္။
“ဇနီးေလးရဲ႕လက္က အေတာ္ေလးကို လွတာပဲ။ သူမလက္ေခ်ာင္းေတြက ေသးသြယ္ၿပီး အေတာ္ေလးကို လွတယ္!”
“ဇနီးေလး အခုဘာေသာက္ေနတာလဲ? လက္ဖက္ရည္လား? တဆိတ္ေလာက္၊ ငါ့ဇနီးေလးအတြက္ လက္ဖက္ရည္ ယူေပးဖို႔ လိုအပ္ေနတယ္!”
“သူမ လက္ကေလးေတာင္ ေတာ္ေတာ္လွတာပဲ…. ငါ့ကိုယ္ငါ ျပန္ၾကည့္လိုက္ရင္ ငါ့လက္က ဝက္လိုမ်ိဳးပဲ….”
ေဇာင္ယုဟြမ္ ကသူမကို “ဇနီး”လို႔ ရည္ၫႊန္းေျပာေနၾကတဲ့ သူေတြရဲ႕ အေကာင့္ေတြကို ဝင္ၾကည့္လိုက္သည္။ သူတို႔အမ်ားစုက မိန္းကေလးေတြ ျဖစ္ၾကသည္။
အင္း….. အခုေခတ္ မိန္းကေလးေတြက တျခားသူေတြကို “ေယာက်ၤား” လို႔မေခၚပဲ “ဇနီး”လို႔ပဲ သုံးၾကတာလား?
ဒါက ခ်စ္ဖို႔ေကာင္းတယ္။
ေဇာင္ယုဟြမ္ ကသူတို႔ရဲ႕ စာတစ္ခ်ိဳ႕ကို ႏွိပ္လိုက္ၿပီး “ႏွလုံးသား”ပုံစံ emoji ျဖင့္ျပန္ေျဖလိုက္သည္။
*****
ဟုန္ခ်န္းမင္း ကသူ႔အေပၚဝတ္ကို ခြၽတ္လိုက္ၿပီး ေဘးတြင္ခ်လိုက္သည္။ အနည္းငယ္ မွီလိုက္ၿပီး ေဆာက္လုပ္ေရး အစီအစဥ္ကို အာ႐ုံစိုက္ၿပီး ေလ့လာေနခဲ့သည္။ သူ႔ေဘးပတ္လည္က လူတိုင္းက အသက္ရႉသံေတာင္ က်ယ္က်ယ္ မရႉရဲၾကေပ။
မၾကာခင္တြင္ သူ႔ဖုန္းဆီက အသံက တိတ္ဆိတ္ေနသည့္ အခန္းထဲတြင္ ထြက္ေပၚလာခဲ့ၿပီး ထိုအသံက ဘာလဲဆိုတာကို နားလည္ဖို႔အတြက္ ဟုန္ခ်န္းမင္း ေတာင္အခ်ိန္အနည္းငယ္ ေတြးေတာလိုက္ရသည္။
ဒါက ႏိုတီ (Noti) အသံပင္ျဖစ္သည္။ ဒီအသံက သူ႔အတြင္းေရးမႉးက ထည့္ထားေပးျခင္းျဖစ္သည္။ ေဇာင္ယုဟြမ္ ရဲ႕WeChat မွလႈပ္ရွားမႈေတြတိုင္းအတြက္ ႏိုတီအား ထည့္ထားျခင္းျဖစ္သည္။ (Facebook မွာဆိုရင္ Close Friend/ Noti ဖြင့္ထားသလိုမ်ိဳး)
ဟုန္ခ်န္းမင္း ခါးကိုမတ္လိုက္ၿပီး သူ႔ဖုန္းကို ေကာက္ကိုင္လိုက္သည္။ ထို႔ေနာက္ WeChat တြင္ ေဇာင္ယုဟြမ္ ရဲ႕ပို႔စ္အသစ္ကို ျမင္လိုက္ရသည္။ ထိုအေၾကာင္းကို ဟုန္ခ်န္းမင္း ကစဥ္းေတာင္း မစဥ္းစားပဲ တုန႔္ျပန္လိုက္သည္။
“ငါတို႔ ေနာက္ဆုံးအႀကိမ္တုန္းက ဝယ္လာခဲ့တဲ့ F&M Earl Grey ကပိုေကာင္းတယ္။ အဲ့ဒါက မင္းဧည့္ခန္းကို ေလွ်ာက္သြားလိုက္ရင္ ဘယ္ဘက္ျခမ္းက အံဆြဲအတြင္းမွာရွိတယ္”
သူ႔လက္ထဲတြင္ ဖုန္းကို ကိုင္ထားၿပီး ေစာင့္ၿပီးရင္း ေစာင့္ေနခဲ့သည္။ ဒါေပမဲ့ ေဇာင္ယုဟြမ္ ဆီက ျပန္ေျဖတာကို မျမင္ရေပ။ အိုေက၊ ဒါကို စိတ္ထဲမထားဘူး။
ဟုန္ခ်န္းမင္း ကေပ့ခ်္ကို ၾကည့္လိုက္ခ်ိန္တြင္ အေပၚဆုံးက ကြန္မန႔္ကေတာ့ “ဇနီးေလးရဲ႕ လက္က အေတာ္ေလး လွတာပဲ။ လ်က္၊ လ်က္၊ လ်က္”
ထို႔ေနာက္ “အခု ဇနီးေလးက ဘာေသာက္ေနတာလဲ? လက္ဖက္ရည္လား? တဆိတ္ေလာက္၊ ငါ့ဇနီးေလးအတြက္ လက္ဖက္ရည္ ယူေပးဖို႔ လိုအပ္ေနတယ္!”
ဟုန္ခ်န္းမင္း ကထိုစာကို ႏွိပ္လိုက္ၿပီး ေဇာင္ယုဟြမ္ ကထိုစာအား ျပန္ေျဖထားတာကိုလည္း ေတြ႕လိုက္ရသည္။ ေနာက္ၿပီး သူမက ႏွလုံးသားပုံစံ Emoji နဲ႔ေတာင္ ေျပာထားေသးတယ္!
ခ်က္ခ်င္းပဲ သံပုရာသီး တစ္လုံးလုံးကို စားလိုက္ရသလိုမ်ိဳး ဟုန္ခ်န္းမင္း ခံစားလိုက္ရသည္။
…အရမ္းခ်ဥ္တာပဲ။
“မစၥတာဟုန္?”
တစ္ေယာက္ေယာက္က သူ႔ေဘးကေန ညင္သာစြာျဖင့္ သတိေပးလိုက္သည္။ သူတို႔တြင္ ဂ႐ုစိုက္ရမည့္ တျခားအရာေတြ ရွိေနေသးသည္။ ဟုန္ခ်န္းမင္း ကသူ႔ေဒါသေတြကို ဖိႏွိပ္လိုက္ၿပီး သူ႔ဖုန္းကို အေဝးမွာခ်လိုက္ၿပီး တည္ၿငိမ္ေအာင္ ျပဳလုပ္လိုက္သည္။
သို႔ေသာ္ သူ႔နားေတြကေတာ့ ဖုန္းဆီမွ အသံကို ၾကားရမလားဆိုၿပီး နားစြင့္ေနခဲ့သည္။
*****
ရႈိးပြဲအတြင္းတြင္ လီဂ်င္းယြမ္ ကပုံမွန္လႈပ္ရွားမႈသာ ရွိသည့္ မီဒီယာမ်ားဆီမွ အင္တာဗ်ဴးမ်ားကို လက္မခံခဲ့ေပ။ ထို႔ေနာက္ သူေျဖခ်င္သည့္ အင္တားဗ်ဴး အနည္းငယ္ကိုသာ သြားခဲ့ၿပီး ထိုအခ်က္ကပင္ အင္တာနက္က ဖန္ေတြက ပိုမ်ားလာခဲ့သည္။
ထို႔ေနာက္တြင္ ႐ုတ္တရက္ လူတိုင္းက သူအား အင္တာဗ်ဴးခ်င္ေနၾကသည္။ စေတာ္ဘယ္ရီ မီဒီယာမွ ကံေကာင္းစြာျဖင့္ လီဂ်င္းယြမ္ အားအင္တာဗ်ဴးဖို႔ ဖိတ္ေခၚႏိုင္ခဲ့သည္။
လီဂ်င္းယြမ္ သည္ကင္မရာေပၚတြင္ ရွိသည့္ လူနဲ႔ အေတာ္ေလး ျခားနားသည္။ စေတာ္ဘယ္ရီ မီဒီယာမွ ဝန္ထမ္းမ်ားသည္ တုန္လႈပ္သြားခဲ့ၾကသည္။
သူက အဆ ၁၀၀ ထက္ေတာင္ ၾကည့္ေကာင္းေနေသးတယ္!
ေနာက္ၿပီး သူ႔စိတ္ထားကလည္း အဆ ၁၀၀ ေတာင္ေကာင္းေသးတယ္!
ဒါက ၾကင္နာတတ္တဲ့ မင္းသားနဲ႔တူတဲ့ ဇာတ္႐ုပ္ပဲလား?!
ကင္မရာေရွ႕ကို ေလွ်ာက္လာခ်ိန္တြင္ သူ႔ပုံရိပ္က ပ်က္စီးမသြား႐ုံသာမက သူက ပိုၿပီးေတာ့ေတာင္ ၾကည့္ေကာင္းလာေသးတယ္!
႐ိုး႐ိုးရွင္းရွင္း ႏႈတ္ဆက္ၿပီးေနာက္တြင္ အင္တာဗ်ဴးက စတင္ခဲ့သည္။
“အသက္က?”
“၁၈”
“အရပ္အျမင့္က?”
“၁.၈၂ မီတာ”
“အို၊ ရွင္က အ႐ြယ္နဲ႔မလိုက္ပဲ အရပ္ရွည္တာပဲ! ဒီ MV ကို႐ိုက္ကူးေနခ်ိန္မွာ ရွင္ဘာေတြ စဥ္းစားေနလဲဆိုတာကို ကြၽန္မတို႔ သိေအာင္ ေျပာျပေပးႏိုင္မလား?”
“ဒါက အခြင့္အလမ္းရဲ႕ တစ္စိတ္တစ္ပိုင္း ျဖစ္မယ္ဆိုတာကို ကြၽန္ေတာ္ နားလည္ပါတယ္”
“Haha ဒါက တရားဝင္ေျဖတာနဲ႔ တူေနတယ္” အင္တာဗ်ဴးသူက ရယ္ေမာကာျဖင့္ ေမးလိုက္သည္။
“ရွင္က လက္ထဲမွာ ဓားကိုင္ထားတာက ေတာ္ဝင္မင္းသား တစ္ပါးနဲ႔ အေတာ္ေလး တူတယ္လို႔ လူတိုင္းက ေျပာေနၾကတယ္။ ရွင့္အေတြးကေကာ ဘယ္လိုလဲ?”
“ကြၽန္ေတာ္ မင္းသားတစ္ပါး မျဖစ္ခ်င္ဘူး။ ကြၽန္ေတာ္က ဓားသမားပဲ ျဖစ္သင့္တယ္”
“မင္းသား၊ ဓားသမား၊ ႏွစ္မ်ိဳးလုံးက အေတာ္ေလး မိုက္တယ္!” အင္တာဗ်ဴးသူက ခ်ီးက်ဴးလိုက္ၿပီး သူ႔ကို ထပ္ေမးလိုက္သည္။
“ရွင္ဓားကိုင္ထားပုံက အေတာ္ေလးကို ကြၽမ္းက်င္ေနတယ္လို႔ ကြၽန္မ ၾကားခဲ့တယ္?”
“ဟုတ္တယ္။ အရင္တုန္းက ဓားသိုင္းကို ေလ့လာခဲ့ဖူးတယ္”
“Wow! အံ့ဩစရာပဲ! ရွင့္ရဲ႕ ဝါသနာက ဘာေတြလဲ? အဲ့ဒါက ဓားသိုင္းလား?” လီဂ်င္းယြမ္ ကႏူးညံ့စြာ ၿပဳံးလိုက္ၿပီး ေျပာလိုက္သည္။
“လက္ဖက္ရည္ ေသာက္တာပါ ထည့္တြက္လို႔ရမလား? ဘလက္ေကာ္ဖီ”
9.8.2020 (Sun)
……………………
[text_hash] => 24b521c9
)